Uagut oqaluttuassarput

Foreningen-Rigsfaellesskabet.com

mail@foreningen-rigsfaellesskabet.com

Kontakt tlf: + 45 71758269

Uagut oqaluttuassarput

Peqatigiiffik Naalagaaffeqatigiiffik

Peqatigiiffiup siunertaraa Naalagaaffeqatigiiffiup, Savalimmiut, Kalaallit Nunaata Danmark-illu akornanni ataavartuunissaa.

Peqatigiiffiup taakku nunat akornanni pimoorussamik suliniutigissavai eqqumiitsuliornermut, inuiaqatigiittut politikkikkullu nukittorsarneqarnissaa, taamaasillunilu taakku inuiaqatigiit pingasut akornanni ataqatigiinneq nukittorsarneqassalluni. Tassunga atavoq naalagaaffeqatigiinnerup ataavartuunissaa kissaatigigipput.

 

Suliniutigissavarput Naalagaaffeqatigiiffiup iluani nalinginnaasumik ilisimasaqarneq Naalagaaffeqatigiiffiullu ilusilersorneqarnera paasineqarnerulernissaa, taassumunnga aamma atatillugu aningaasaqarnermut, demokratiimut, kulturikkut, inuttut/inuiattut atugaritinneqartut (sociale) inuiaqatigiinnermullu nalinginnaasunut tunngasunut ammasumik killilersugaanngitsumillu oqallinnermut siummarsaassalluni.

 

Peqatigiiffiup suliniutigissavaa nutaajusumik nukittuumillu nunat taakku pingasut ataqatigiinnissaat. Taanna anguniarneqassaaq peqataanissamik imal. peqataarusunnikkut kaammattuussinikkut taamatullu nunat taakku pingasut Naalakkersuisui Inatsisartuilu qanittumik suleqatigiinnerisigut. Tassunga atatillugu aamma peqatigiiffiup suliniutiginiarpaa siunnersortitut imal. siunnersuisinnaasutut atuussinnaasutut nunanut taakkununnga pingasunut. Tassunga aamma ilaassaaq peqatigiffiup allaffeqarfeqalernissaanut (sekretariat) suliniuteqalernissaq.

 

Isumaqarluinnarpugut savalimmiormiut, kalaallit dansk-illu oqaluttuarisakkut, misigissutsikkut ilaqutariinnikkullu atassuteqarluartugut sakkortuumik, tassungalu atatillugu suliniutigissavarput nunat taakku pingasut akornanni oqaluttuat paatsuuinermik tunngavillit asulilu oqaluttuaajusut nungusarneqarnissaannik.

 

Pimoorussamik suliniutigissavarput Naalagaaffeqatigiiffiup iluani immitsinnut nalinginnaasumik isiginninnerput iluarsarneqassasoq. Savalimmiuni, Kalaallit Nunaanni Danmark-imilu atuarfinni, annertunerusumillu ilinniagaqarfinni, Naalagaaffeqatigiiffiup oqaluttuarisaanera inuiaqatigiinnermullu ilinniartitsinermi pingaarutitut Naalagaaffeqatigiinneq ilinniarnermut ilaatinneqarnissaa. Tassunga kissaatiginartipparput atuarfeqarfiit taakkununnga atuartitsinermut atugassanik nutaajusunik pitsaasunillu atugassanik sananeqartoqarnissaa.

 

Peqatigiiffiup pimoorussamik suliniutigissavaa Savalimmiut, Kalaallit Nunaata Danmark-illu immikkut inuiattut ullorsiorneranni pisortatigoortumik nunat taakku ataatsimoorlutik malunnartinniarneqartalernissaat, taakkulu nunat pingasut erfalasui amuneqartalernissaat kissaataalluni - imatut paasillugu, soorlu kalaallit inuiattut ullorisami danmark-imi savalimmiunilu kalaallit erfalasuat pisortatigoortumik aamma amuneqartalernissaa anguniarneqassasoq.

 

Peqatigiiffiup pimoorussamik suliniutigissavaa Naalagaaffeqatigiiffiup Europa-mut inissisimanera nunarsuullu sinneranut siuarsarneqarnissaanut, taamatullu Naalagaaffeqatigiiffiup nunanut avannarlernut inissisimanera imaluunniit pingaaruteqassusaa, isiginiarneqaleriartornissaanut anguniarnissaa.

 

....................................................................................

 

Advisory Board til bestyrelsen:

Uffe Ellemann- Jensen

Gitte Seeberg

Torben Ørting Jørgensen

Preben Mejer

 

Siulersuisut

Siulittaasoq

Nauja Lynge

nauja@lynge.me

Siulittaasup tullia

Edmund Joensen

Siulersuisunut ilaasortat

Jairus Lyberth

jairus@live.dk

Martine Lynge Lyngesen

martine@lyngesen.dk

Nikolaj Olsvig

olsvig@privat.dk

Michael Keldsen

mk@kromannreumert.com