Tusagassiutinut tunngasut

Foreningen-Rigsfaellesskabet.com

mail@foreningen-rigsfaellesskabet.com

Kontakt tlf: + 45 71758269

Tusagassiutinut tunngasut

Tusagassiutinut:

 

Paasisaqarusukkussi uku taaneqartut attavigineqarsinnaapput.

 

Siulittaasoq

Nauja Lynge

tlf. +45 71758269

email nauja@lynge.me

 

Siulittaasup tullia

Edmund Joensen

tlf. +45 61625617 eller +298 220390

email edmundjoensen2@gmail.com

 

eller foreningens grønlandske talsmand

Jairus Lyberth

tlf. +45 51901754

email jairus@live.dk

..............................................................................................................................................

 

Tusagassiutinut nalunaarut 25, august 2014

 

”Peqatigiiffik Naalagaaffeqatigiiffik” pilersinneqarpoq

Savalimmiormiut, Kalaallit dansk-illu arlallit ataatsimoorlutik peqatigiffimmik pilersitsipput naalagaaffeqatigiinnerup ataavarnissaanik nukittorsarnissaanillu siunertaqarlutik

 

Savalimmiormiut, kalaallit dansk-illu arlaliullutik København-imi ataatsimiinnerminni ”Peqatigiiffik Naalagaaffeqatigiiffik” pilersippaat, siunertaralugu naalagaaffeqatigiffiup ataavartuunissaanik nukittorsarnissaanillu taamatullu qaqugussamut kinguaassat iluaqutigisinnaasaannik nuannaarutigisinnaasaannillu.

Taamaasilluni peqatigiiffimmik nutaarluinnarmik inuinnarnik soqutigisaqaqatigiinnermik tunngavilik pilersinneqarluni, naalagaaffeqatigiinnerup ajattorneqarnerata nalaani.

-Ersarimmik Naalagaaffeqatigiiffipput angerparput, upperigatsigu Savalimmiut, Kalaallit Nunaat Danmark-illu siunissami aamma ataqatigiissuunissaat pisinnaammat pissasorlu, aammalu upperigatsigu taanna ataqatigiinneq ukiuni uuntritilippassuarni ingerlasimasoq, nutaamik eqqortumillu ataqqeqatigiinnermik taamatullu atorluarsinnaasatsinnik suleqatigiissinnaanerput tunngavilerlutigu, taamak oqarpoq peqatigiiffiup aallarniisua siulittaasunngortorlu, Nauja Lynge.

Siulittaasup tulleraa, politikeri siorniatigullu Savalimmiuni lagmand-iusimasoq Edmund Joensen.

 

Naalagaaffeqatigiiffik kikkunnut tamanut

-Naalagaaffeqatigiiffik qaffasinnerusut kisimik ataatsimoorfigissanngilaat, taamatullu allaffissornikkut suliallit kisimik imminnut allakkianik uteqattaarfigissanngilaat, kisialli nunat taakku inuii ataatsimoorlutik peqatigiiffigissavaat, tassanilu pituttorsimaffigaarput savalimmiormiut, kalaallit dansk-illu akornanni immikkuullarissumik qanilaartumillu ilaqutaqaqatigiinnerput.

-Taamaammat taakku inuiaqatigiit pingasut akornanni ataqatigiinnitta nukittorsarnissaanik suliniuteqarniarpugut nukigut tamaasa ajunnginnerpaamik atorlugit, taamak oqarpoq Nauja Lynge.

Siulersuisut ukuupput: Nauja Lynge, Jairus Lyberth, Martine Lynge Lyngesen, Nikolaj Olsvig, Edmund Joensen, Morten Larsen aammalu Michael Keldsen.

Kinaluunnit peqatigiiffimmut ”Peqatigiiffik Naalagaaffeqatigiiffik”-up siunertaanut tapersersuisoq ilaasortatut tikilluaqqungaarparput. Peqatigiiffiup siunertai, malittarisassai, peqatigiffiullu siulersuisuisa kikkuuneri atuarsinnaavatit una atorlugu: www.foreningen-rigsfaellesskabet.com, taakkulu savalimmiormiusut, kalaallisut dansk-isullu allassimapput.

 

##

Tusagassiutinut immikkut: Paasissutissanik allanillu oqaaseqaatissanik piumagussi uku saaffigisinnaavasi: Nauja Lynge (tlf. 71758269/nauja@lynge.me imaluunniit peqatigiiffiup kalaallisut oqaaseqartartua Jairus Lyberth (tlf. 51901754/jairus@live.dk)